सावंतवाडी प्रतिनिधी: ओठवणे येथील निराधार महिलेला सामाजिक बांधिलकीच्या रूपा मुद्राळेने हिने आधार दिला.आज सायंकाळी ८ च्या सुमारास ओठवणे येथून आलेली एक निराधार महिला प्रमिला राऊळ वय ६० ही माजगाव नाला येथे रस्त्यावर बसली होती तेव्हा सामाजिक बांधिलकी प्रतिष्ठानच्या रूपा मुद्राळेने तीला पाहिलं व तीची विचारपूस केली असता ती म्हणाली आपली तब्येत बरी नाही मला डॉक्टरकडे घेऊन चला तेव्हा रूपा मुद्राळेने तीला सावंतवाडी उपजिल्हा रुग्णालयामध्ये दाखल केले. आपण ओठवणे येथे राहते व आपले नातेवाईक आहे असे ती सांगत आहे बाकी तिला काही आठवत नाही. तरी ओळख पटल्यास तिच्या नातेवाईकांनी सावंतवाडी उपजिल्हा रुग्णालय किंवा सावंतवाडी पोलीस स्टेशन मध्ये संपर्क साधावा असे आवाहन सामाजिक बांधिलकी प्रतिष्ठानचे रवी जाधव यांनी केले आहे.
ओठवणे येथील निराधार महिलेला सामाजिक बांधिलकीचा आधार.
