मुंबई | महाराष्ट्र न्यूज नेटवर्क : लोकसभा खासदार संजय दिना पाटील यांच्यावर माध्यम प्रतिनिधींशी संवाद साधताना शिवीगाळ करणे आणि धमकी देण्याचा गंभीर आरोप झाला आहे. या घटनेमुळे राजकीय वर्तुळात मोठी खळबळ उडाली असून, नव्या वादाला तोंड फुटले आहे.समोर आलेल्या व्हायरल व्हिडीओत खासदार पाटील पत्रकारांशी बोलताना संतापलेले दिसत आहेत. त्यामध्ये अपशब्द वापरून धमकावल्याचे स्पष्ट दिसते. माध्यम प्रतिनिधींशी औपचारिक संवादादरम्यान हा प्रकार घडल्याने तो अधिक गंभीर मानला जात आहे.या घटनेने पत्रकारांच्या सुरक्षिततेसह लोकप्रतिनिधींच्या वर्तणुकीवर प्रश्नचिन्ह निर्माण झाले आहे. अनेक माध्यम संस्था आणि पत्रकार संघटनांनी याची निंदा केली असून, याबाबत कठोर कारवाई करण्याची मागणी केली आहे. खासदार संजय दिना पाटील यांच्याकडून अद्याप यासंबंधी कोणतीही प्रतिक्रिया समोर आलेली नाही. या प्रकरणी पोलिसांकडून कारवाई होणार का, याकडे सर्वांचे लक्ष लागले आहे. ही घटना लोकशाहीतील माध्यमांच्या भूमिकेचा आदर न करणाऱ्या वृत्तीचे प्रतिबिंब मानली जात आहे.
