सावंतवाडी: तालुक्यातील मळेवाड-शेडवली परिसरात घडलेल्या बलात्कार प्रकरणातील आरोपीस जिल्हा व सत्र न्यायालयाने जामीन मंजूर केला आहे.मिळालेल्या माहितीनुसार, ३ ऑक्टोबर २०२५ रोजी रात्री सुमारे १० वाजण्याच्या सुमारास पीडित मुलगी लघुशंकेसाठी घराबाहेर आली असता आरोपीने तिला जबरदस्तीने झोपडीत ओढून नेले व तिच्यावर अत्याचार केल्याचा आरोप आहे. याप्रकरणी पीडितेच्या तक्रारीवरून आरोपीविरुद्ध भारतीय न्याय संहिता २०२३ कलम ७०, ७४, ३५२, ६४(१) आदी कलमान्वये गुन्हा दाखल करण्यात आला आहे.सदर प्रकरणातील आरोपी क्रमांक २ विकेंद्र उर्फ बिकेंदर गुलू लोहारा याने जामिनासाठी जिल्हा न्यायालयात अर्ज दाखल केला होता. या अर्जावर सुनावणी घेतल्यानंतर न्यायालयाने युक्तिवाद ग्राह्य धरत आरोपीस १५ हजार रुपयांच्या जामिनावर व काही अटींसह मुक्त करण्याचे आदेश दिले.या प्रकरणात आरोपीच्या वतीने अॅड. स्वप्नील बबन कोलंगावकर यांनी काम पाहिले.
बलात्कार प्रकरणी आरोपीस जामीन मंजूर…! आरोपीच्या वतीने अॅड. स्वप्नील कोलंगावकर यांनी काम पाहिले.
