सावंतवाडी प्रतिनिधी: अखिल महाराष्ट्र प्राथमिक शिक्षक संघ महिला सेल सावंतवाडीच्या वतीने महिला दिनाचे औचित साधून महिलांच्या सुप्त गुणांना वाव देण्यासाठी विशेष कार्यक्रमाचे आयोजन करण्यात आले आहे. जि. प. पूर्ण प्राथमिक शाळा, सावंतवाडी नं. ४ येथे हा कार्यक्रम संपन्न होणार आहे. यावेळी महिलांसाठी पाककला स्पर्धा, महिलांसाठी कर्तबगार महिला वेशभूषा स्पर्धा होणार आहेत. तसेच संघटनेच्या वतीने सावंतवाडी पंचायत समिती सभापती, उपसभापती व गटविकास अधिकारी यांचा सत्कार करण्यात येणार आहे. कार्यक्रमाची सुरुवात ठीक ३:३० वाजता होणार आहे. तरी सर्व पदाधिकारी आणि सभासद यांनी कार्यकमाला उपस्थित राहावे. असे आवाहन संघटनेच्या वतीने करण्यात आले आहे.
