बीड जिल्ह्यातील वडवणी येथील कृषी उत्पन्न बाजार समितीच्या निवडणुकीत पंकजा मुंडे विरुद्ध धनंजय मुंडे अशी लढत होती. येथील निकाल जाहीर झाला असून धनंजय मुंडे यांनी पंकजा मुंडे यांचा पराभव केला आहे. पंकजा मुंडे यांच्या सर्वच्या सर्व १८ जागा गमावल्या असून पंकजा मुंडे यांचे खांदे समर्थक असलेल्या राजाभाऊ मुंडे यांच्या शेतकरी विकास पॅनलचा निवडणुकीत मोठा पराभव झाला आहे. तर दुसरीकडे राष्ट्रवादी काँग्रेस पुरस्कृत शेतकरी विकास महाआघाडीच्या १८ पैकी १८ सदस्यांनी विजयाचा गुलाल उधळला आहे. बीड जिल्ह्यातील ८ बाजार समितीमध्ये दिग्गज नेत्यांच्या प्रतिष्ठा पणाला लागल्या होत्या.
वडवणी कृषी उत्पन्न बाजार समितीच्या निवडणुकीत धनंजय मुंडेच्या १८ पैकी १८ जागांवर विजय
