निळजे प्रतिनिधी( सुधीर गुजर):’लोकमत’च्या वतीने नुकत्याच आयोजित करण्यात आलेल्या राज्यस्तरीय ‘महिला भजन स्पर्धेत’ निळजे येथील सर्वोदय विद्यालयाच्या विद्यार्थिनींनी आपल्या सुमधुर आवाजाने आणि सुरेल सादरीकरणाने सर्वांची मने जिंकली आहेत. या प्रतिष्ठेच्या स्पर्धेत सर्वोदय विद्यालयाच्या भजनी मंडळाने उत्कृष्ट सादरीकरण करत तृतीय क्रमांकाचे घवघवीत यश संपादन केले आहे.या यशात विद्यार्थिनींच्या अथक मेहनतीसोबतच त्यांना लाभलेले देवरामबुवा भोईर यांचे मोलाचे मार्गदर्शन अत्यंत महत्त्वपूर्ण ठरले. एका दिमाखदार पारितोषिक वितरण सोहळ्यात सर्वोदय विद्यालयाच्या विद्यार्थिनी आणि देवरामबुवा भोईर यांनी अत्यंत अभिमानाने हे तृतीय क्रमांकाचे पारितोषिक स्वीकारले.शालेय वयातच आपली संस्कृती आणि परंपरेचा वारसा जपत, भजनासारख्या आध्यात्मिक आणि कलात्मक क्षेत्रात या विद्यार्थिनींनी मिळवलेले हे यश खऱ्या अर्थाने कौतुकास्पद आहे. त्यांच्या या उल्लेखनीय कामगिरीबद्दल सर्वोदय विद्यालयाचे व्यवस्थापन, शिक्षक, पालक आणि संपूर्ण निळजे ग्रामस्थांकडून त्यांच्यावर अभिनंदनाचा वर्षाव होत आहे.सर्व विजेत्या विद्यार्थिनी आणि मार्गदर्शक देवरामबुवा भोईर यांचे मनःपूर्वक भिनंदन आणि त्यांच्या पुढील सांगीतिक वाटचालीस हार्दिक शुभेच्छा!
सर्वोदय विद्यालय, निळजेच्या विद्यार्थिनींचे घवघवीत यश! ‘लोकमत’ महिला भजन स्पर्धेत पटकावला तृतीय क्रमांक
