अक्कलकोट | महाराष्ट्र न्यूज नेटवर्क : जागतिक योग दिनानिमित्त स्विमिंग ग्रुपने उत्साहात योग शिबिराचे आयोजन करून प्राचीन योग विद्या जपली आणि नागरिकांना आरोग्यदायी जीवनशैलीकडे प्रेरित केले.स्विमिंग ग्रुपचे संस्थापक, श्री वटवृक्ष स्वामी महाराज देवस्थानचे चेअरमन तथा नगरसेवक महेश मालक इंगळे यांनी म्हणाले,
“योग विद्या ही भारत देशाला लाभलेली महान प्राचीन परंपरा आहे. तणावमुक्त जीवन, मनःशांती आणि निरोगी आरोग्यासाठी नियमित योगाभ्यास, प्राणायाम आणि व्यायाम अत्यंत आवश्यक आहे. जीवनशैली उत्कृष्ट बनवायची असेल तर व्यायाम, पोहणे आणि योग यांना दिनचर्येत समाविष्ट करा.”कार्यक्रमात विद्याधर गुरव सर, ओंकारेश्वर उटगे, डॉ. चिंचोळी, आप्पा गवळी यांच्या मार्गदर्शनाखाली सामूहिक योगासन, सूर्यनमस्कार, प्राणायाम, ध्यान, मुद्रा आणि झुंबा डान्स करण्यात आले. कार्यक्रमाची सुरुवात महेश मालक इंगळे व प्रथमेश मालक इंगळे यांच्या हस्ते श्री स्वामी समर्थांच्या प्रतिमेचे पूजन करून झाली.यावेळी प्रा. डॉ. शिवराया आडवितोट, संतोष पराणे, नगरसेवक अविनाश मडीखांबे, नगरसेवक शैलेश राठोड, मेजर अमोल माने आदींनी मनोगत व्यक्त केले. स्विमिंग ग्रुपचे सदस्य, डॉक्टर, उद्योजक, शिक्षक, विद्यार्थी आणि महेश इंगळे मित्र परिवारातील मोठ्या संख्येने नागरिक उपस्थित होते.उपस्थितांना एनर्जी ड्रिंक, केळी, खजूर आणि चिक्की देण्यात आली.
संदेश : योग केवळ व्यायाम नव्हे, तर जीवन जगण्याची कला आहे, असा संदेश देणारा हा कार्यक्रम अक्कलकोटकरांसाठी प्रेरणादायी ठरला. 🧘🏻♂️✨
