कुडाळ प्रतिनिधी: साधी परीक्षा केंद्र जिल्ह्यात आणता आली नाहीत, आणि हे जिल्हातील मुलांना अधिकारी बनवणार केसरकरांना शुभेच्छा देताना लाज वाटली पाहिजे होती, एवढी चांगली गुणवत्ता असताना जिल्हातील मुलांचं पाय खेचण्याचं काम केसरकर करता आहेत. अशी टिका कुडाळ युवासेना तालुकाप्रमुख योगेश धुरी यांनी मंत्री दिपक केसरकर यांच्यावर केली आहे.
योगेश धुरी पुढे म्हणाले की, जिल्हा परिषद च्या शाळा बंद करण्याचा ठेका घेणाऱ्या मंत्र्यांनी अशी आश्वासन देऊ नयेत. हल्ली झालेल्या केसरकरांच्या शिक्षक भरतीत जिल्ह्यातील किती मुलांना फायदा झाला हे एकदा प्रेस घेऊन केसरकरांनी सांगावे. तलाठी परीक्षेत जिल्ह्यातील किती मुलं तलाठी म्हणून लागलीत हे पण केसरकरांनी सांगावे. केसरकर हे सोंगाडे आहेत जिल्हातील बेरोजगारांच वाटोळं करणारे मंत्री म्हणून त्यांची जिल्हातील इतिहासात नोंद होईल. केसरकरांनी सांगितलेल्या गोष्टी केव्हाच पूर्ण होत नाही उदा मल्टी स्पेशालिस्ट हॉस्पिटल, सेट ऑफ बॉक्स ची कपंनी,पाणबुडी, सावंतवाडी एसटी स्टँड चे नूतनी करण असे अनेक गोष्टी केसरकर करू शकले नाहीत. त्यामुळे केसकरांनी चंकी पांडे सारख्या हवेतल्या गोष्टी करू नयेत. जिल्ह्यातील एका तरी मुलाला इच्छित ठिकाणी प्रवेश मिळाला नसेल तर त्यांना घेऊन केसकरांच्या कार्यालया बाहेर युवासेना स्टाईलने अनोख्या पद्धतीने आंदोलन करु. असा इशारा हि कुडाळ युवासेना तालुकाप्रमुख योगेश धुरी यांनी दिला आहे.
