सावंतवाडी प्रतिनिधी: सिंधुदुर्ग जिल्ह्यातील एका गंभीर प्रकरणात अट्रॉसिटी कायद्याचा गैरवापर झाल्याने सार्वजनिक जबाबदारी धोक्यात आली आहे. द. ३० सप्टेंबर २०२५ रोजी, राष्ट्रीय महामार्ग उपविभाग, सावंतवाडी येथील कार्यकारी अभियंता श्री. मुकेश राकेश साळुंखे यांनी माजी आमदार श्री. वैभव नाईक यांच्याविरुद्ध अट्रॉसिटी गुन्हा दाखल केला आहे. या पार्श्वभूमीवर अखिल भारतीय मराठा महासंघ आक्रमक झाले आहे येत्या मंगळवारी ७ ऑक्टोंबर ला जिल्हा पोलीस अधीक्षक कार्यालयात धडक मोर्चा नेण्यात येणार आहे. सदर प्रकरणी संबंधित अधिकारी मुकेश साळुंखे यांच्यावर गुन्हा दाखल करण्यात यावा. आधी मागण्यासाठी जिल्हा पोलीस अधीक्षक यांच्या कार्यालत धडक दिली जाणार आहे
गंभीर पार्श्वभूमी: झाराप तिठा येथे NH-66 वरील अनियोजित मध्यवर्ती कटमुळे झालेल्या दुःखद अपघात स्थळावर, जिथे एक विद्यार्थी मृत्यू पावला होता, त्या प्रकरणी जाब विचारत असताना जमलेल्या जमावा समोर माजी आमदार श्री. वैभव नाईक यांनी क्षणिक रागात श्री मुकेश राकेश साळुंखे या अधिकाऱ्यांवर शाब्दिक तसेच सौम्य हल्ला केल्याचे नमूद केले आहे. मात्र, श्री. साळुंखे हे सरकारी अधिकारी म्हणून BNS कलम १२१, १३२, ३५१(३), ३५२ यांसारख्या कायद्यांखाली संरक्षित आहेत ज्यांची कमाल शिक्षा ७ वर्षे कारावास पर्यंत आहे.
न्यायालयीन पूर्वनिर्णय:
राजस्थान हायकोर्टाचा Mahendra Singh vs State of Rajasthan (2023) या खटल्यातील ऐतिहासिक निर्णय:या केसमध्ये राजस्थान हायकोर्टाने स्पष्ट केले की, “सरकारी नोकर असलेल्या व्यक्तीने अट्रॉसिटी कायदा वैयक्तिक किंवा अधिकृत वादांसाठी अतिरिक्त शस्त्र म्हणून वापरता येत नाही.” हा निर्णय आपल्या वर्तमान प्रकरणाशी थेट सुसंगत आहे.
महासंघाचा मुख्य मुद्दा: अशा परिस्थितीत अट्रॉसिटी कायदा (कलम ३(१)(r)(s)) लागू करणे हा त्याचा स्पष्ट गैरवापर आहे. हा कायदा दलित वंचित समाजासाठी बनवण्यात आला आहे ज्याची कमाल शिक्षा आजन्म कारावास पर्यंत आहे. सरकारी अधिकाऱ्यांना व्यक्तिशः संरक्षण देण्यासाठी नाही. अशा गैरवापरामुळे सार्वजनिक जबाबदारी पार पाडण्याची संपूर्ण व्यवस्थाच धोक्यात येते.
अट्रॉसिटी खटला निकाली काढेपर्यंत श्री. साळुंखे यांचे तात्पुरते निलंबन
श्री. वैभव नाईक निर्दोष सिद्ध झाल्यास, अट्रॉसिटी कायदा दुरुपयोगासाठी श्री. साळुंखे यांच्याविरुद्ध कठोर कारवाई सार्वजनिक जबाबदारी राखण्यासाठी अट्रॉसिटी कायद्याचा गैरवापर थांबवणे यासाठी जिल्हा पोलीस अधीक्षक यांची भेट घेतली जाणार आहे. तरी सर्वांनी मोठ्या संख्येने उपस्थित राहावे
आवाहन: अट्रॉसिटी कायद्याच्या गैरवापराविरुद्ध आणि सार्वजनिक जबाबदारी सुरक्षित राखण्यासाठी सर्व समाजभाऊ एकजुट होऊन येथे जमा व्हावे. असे आवाहन जिल्हाध्यक्ष सुहास सावंत यांनी केले आहे
