रिक्षा चालक मालक संघाचे आयोजन..
ओरोस : सिंधूनगरी ऑटो रिक्षा चालक मालक सेवा संघाचा २७ वा वर्धापनदिन मंगळवार दिनांक २८ फेब्रुवारी २०२३ रोजी साजरा होत आहे. त्या कार्यक्रमानिमित्त ओरोस फाटा येथील शिवाजी महाराज पुतळ्या जवळ रिक्षा स्टँड येथे सकाळी ८.३० वाजता श्री सत्यनारायण महापूजा आयोजित करण्यात आली आहे. सकाळी १०.३० वाजता तीर्थप्रसाद, दुपारी १ ते ३ या वेळेत महाप्रसाद, सायंकाळी ५ ते ६ या वेळेत स्थानिकांची भजने, सायंकाळी ७ ते ८.३० या वेळेत वारकरी सांप्रदायिक हरिपाठ तसेच रात्री ९ वाजता मोरेश्वर दशावतार नाट्यमंडळ, मोरे यांचा “दैव जाणिले कुणी” हा दणदणीत पौराणिक नाट्यप्रयोग आयोजित करण्यात आला आहे. सर्वांनी उपस्थित राहून नाट्यप्रयोगाचा आनंद घ्यावा.
