पनवेल | महाराष्ट्र न्यूज नेटवर्क : महाराष्ट्र नवनिर्माण सेनेने (MNS) पनवेल आणि रायगड जिल्ह्यातील सर्व लेडीज बार (डान्स बार) तत्काळ बंद करण्याची मागणी करत १९ जुलैपासून अनिश्चितकालीन अन्नत्याग आंदोलन (इंडेफिनिट हंगर स्ट्राईक) करण्याची घोषणा केली आहे. ही घोषणा आज शनिवारी (२० जून) मनसे पनवेल महानगर अध्यक्ष योगेश चिले यांनी प्रेस कॉन्फरन्समध्ये केली.छत्रपती शिवाजी महाराजांच्या जन्मभूमीत अशा अनैतिक आणि संस्कृतीविरोधी व्यवसायांना थारा मिळणे अत्यंत निंदनीय असल्याचे चिले यांनी स्पष्ट केले. “महिलांना नाचवून चालणारे हे ठिकाणे युवकांच्या जीवनाला बरबाद करत आहेत. पनवेल, पुणे, पिंपरी-चिंचवडसह विविध भागातील तरुण येथे जातात, ज्यामुळे समाजात नैतिक अधोगती वाढत आहे,” असे त्यांनी सांगितले.
गंभीर आरोप : योगेश चिले यांनी पुढे आरोप केला की, अनेक बार ऑर्केस्ट्राच्या नावाखाली अनधिकृत आणि अनैतिक कारवाया करत आहेत. प्रशासन डोळे झाकून बसले आहे. विधानसभेत चर्चेनंतर काही काळ बंद झालेले बार पुन्हा सुरू झाल्याचे रहस्यमय असून, अनेक ठिकाणी परवानगीशिवाय व्यवसाय चालू आहे. येथे ३५ ते ४० महिलांचा शोषण होत असल्याचेही त्यांनी म्हटले.मनसेने या प्रकरणी सार्वजनिक जागरूकता मोहीम राबवणार असून, बार बॅनर्स, सोशल मीडिया आणि इतर माध्यमांतून जनजागृती करणार आहे. छत्रपती शिवाजी महाराज चौक, पनवेल येथे हे अन्नत्याग आंदोलन सुरू होणार आहे.या निर्णयामुळे रायगड जिल्ह्यातील डान्स बार व्यवसायावर पुन्हा एकदा वादळ उठण्याची शक्यता आहे. सत्ताधाऱ्यांकडून याबाबत काय तातडीने कारवाई होते, याकडे सर्वांचे लक्ष लागले आहे.
