सावंतवाडी: सावंतवाडी एज्युकेशन सोसायटी संचलित, कळसुलकर इंग्लिश स्कूल व आय.बी.सय्यद कनिष्ठ महाविद्यालय,सावंतवाडी. प्रशालेच्या इयत्ता आठवीतील विद्यार्थ्यांनी शैक्षणिक उपक्रम अंतर्गत असलेल्या बांधावरची शिवार शाळा-२०२६ या उपक्रमात प्रत्यक्ष भातरोपणीचा अनुभव घेतला. यावेळी मळगाव येथील सौ व श्री दीपक मेस्त्री यांच्या शिवार शेतीत विद्यार्थ्यांनी भाताचे रोप काढणे व भाताचे रोप लावणे याचे प्रात्यक्षिक अभ्यासले. यावा यावेळी सौ व श्री दीपक मेस्त्री यांनी विद्यार्थ्यांना शेतीविषयक व भात रोपणी विषयक प्रात्यक्षिकसह मार्गदर्शन केले.
या उपक्रमामध्ये प्रशालेचे मुख्याध्यापक श्री एस.व्ही.भुरे प्राथमिक शाळेचे मुख्याध्यापक श्री प्रदीप सावंत, शिवार प्रमुख सौ व श्री दीपक मेस्त्री,प्रशालेचे शिक्षक श्रीमती एस.यु.बांदेलकर, श्री अनिल ठाकूर श्री पी.बी.बागुल स्थानिक अंगणवाडी सेविका श्रीमती खडपकर मॅडम, श्रीमती राणे मॅडम, तसेच पालक व विद्यार्थी यांनी सहभाग घेतले. यावेळी प्रशालेचे शिक्षक श्री अनिल ठाकूर यांनी शेतशिवार उपलब्ध करून दिल्याबद्दल सौ.व श्री दीपक मेस्त्री यांचे प्रशालेच्या वतीने आभार मानले.
