कोल्हापूर | महाराष्ट्र न्यूज नेटवर्क : राखीव पोलिस गटाचे संचालक तथा अतिरिक्त पोलिस अधीक्षक तुषार पाटील (वय ४५) यांचे आज सकाळी पुण्यात उपचारादरम्यान अकाली निधन झाले. कोल्हापूर शहरातील उपविभागीय पोलिस अधीक्षक म्हणून कार्यरत असताना सहा महिन्यांपूर्वी त्यांची दौंडला बदली झाली होती. आठ वर्षांपूर्वी त्यांना किडनी ट्रान्सप्लांट झाले होते, ज्यात वडिलांनी स्वेच्छेने किडनी दान केली होती. गेल्या दोन दिवसांपासून प्रकृती गंभीर झाल्याने त्यांना पुण्यातील रुबी हॉल क्लिनिकमध्ये दाखल करण्यात आले होते. तेथे उपचार सुरू असताना आज त्यांचा मृत्यू झाला. जळगाव जिल्ह्यातील त्यांच्या मूळ गावी आज सरकारतर्फे राज्यस्तरीय अंत्यसंस्कार करण्यात येणार आहेत. शोकाकुल कुटुंबात पत्नी शिल्पा नाईक, मुलगा, वडील आणि भाऊ आहेत. तुषार पाटील यांच्या अकाली निधनाने पोलिस दलात शोककळा पसरली आहे.
अतिरिक्त पोलिस अधीक्षक तुषार पाटील (४५) यांचे अकाली निधन
