सावंतवाडी प्रतिनिधी: जागतिक महिला दिनाचे औचित्य साधून केवळ औपचारिक कार्यक्रम न करता, सामाजिक बांधिलकी जपत अखिल महाराष्ट्र प्राथमिक शिक्षक संघ, सावंतवाडी महिला सेलच्या वतीने एक प्रेरणादायी उपक्रम राबवण्यात आला. इन्सुली येथील ‘असीसी मतिमंद मुलींची शाळा’ येथे या विशेष मुलींना जीवनावश्यक वस्तूंचे वाटप करून महिला दिन खऱ्या अर्थाने सार्थ करण्यात आला. दरवर्षी ८ मार्च रोजी महिला दिन विविध कार्यक्रमांनी साजरा होतो. मात्र, सावंतवाडी शिक्षक संघाच्या महिला सेलने औपचारिकतेपेक्षा माणुसकीला प्राधान्य देत यंदा या दिवसाचे औचित्य वेगळ्या पद्धतीने साधण्याचे ठरवले. समाजातील दुर्लक्षित आणि विशेष गरजा असलेल्या घटकांकडे लक्ष वेधण्यासाठी त्यांनी इन्सुली येथील असीसी मतिमंद मुलींच्या शाळेची निवड केली.
या शाळेतील मतिमंद मुलींच्या दैनंदिन गरजा ओळखून, त्यांना मदतीचा हात देण्यात आला. शाळेतील मुलींना जीवनावश्यक असणाऱ्या वस्तूंचे वाटप करण्यात आले. यामध्ये:पौष्टिक खाऊ आणि फळेदैनंदिन वापरासाठी लागणाऱ्या इतर वस्तू देण्यात आल्याया वस्तू स्वीकारताना विद्यार्थिनींच्या चेहऱ्यावरील आनंद पाहून उपस्थित शिक्षिकाही भारावून गेल्या होत्या. उपस्थितांनी या दुर्लक्षित मुलींशी मनमोकळेपणाने गप्पा मारल्या.त्यामुळे मुलींना अतिशय आनंद झाला.यावेळी महिला सेलच्या पदाधिकारी आणि प्राथमिक शिक्षक संघाचे प्रतिनिधी मोठ्या संख्येने उपस्थित होते.
संघटनेचे राज्य उपाध्यक्ष श्री म. ल.देसाई राज्य संघटक श्रीम सृष्टी पाटील, जिल्हा सचिव श्री महेश पालव, महिला सेल जिल्हाध्यक्षा श्रीम तेजस्विता वेंगुर्लेकर, उपाध्यक्षा श्रीम प्रणिता मांडवकर, श्रेया परब, तालुकाध्यक्षा श्रीम शुभेच्छा सावंत, सचिव श्रीम रोशनी राऊत, तालुकाध्यक्ष श्री विजय गावडे,सचिव श्री रुपेश परब, कार्याध्यक्षा श्रीम अर्चना देसाई, रोशन राऊत, मृगाली पालव , सीमा पंडित,मनाली कोरगावकर,अमिषा कुंभार या सदस्या उपस्थित होत्या ,”समाजातील अशा विशेष फुलांना प्रेमाची आणि आधाराची गरज असते. शिक्षकी पेशासोबतच सामाजिक उत्तरदायित्व जपण्यासाठी आम्ही हा छोटासा प्रयत्न केला आहे,” अशा भावना यावेळी महिला प्रतिनिधींनी व्यक्त केल्या. असीसी शाळेच्या व्यवस्थापनाने शिक्षक संघाच्या या उपक्रमाचे मनापासून कौतुक करत आभार मानले.’अखिल महाराष्ट्र प्राथमिक शिक्षक संघाने समाजासमोर ठेवलेला हा आदर्श इतर संघटनांसाठीही प्रेरणादायी ठरणार आहे.’
i
